​സ്ക്കൂള്‍ പ്രവര്‍ത്തന കലണ്ടര്‍-ജൂലൈ മാസം

2015

ജൂലൈ

ജൂലൈ 3 വെള്ളി
SRG യോഗം

• ക്ലാസ് പിടിഎ-അവലോകനം
• യൂണിറ്റ് വിലയിരുത്തല്‍-ആസൂത്രണം
• ജൂലൈ 5ബഷീര്‍ ചരമദിനം-ആസൂത്രണം

ജൂലൈ 6 തിങ്കള്‍
ജൂലൈ 5ബഷീര്‍ ചരമദിനം

• അസംബ്ലി-വൈക്കം മുഹമ്മദ് ബഷീര്‍ അനുസ്മരണം
• ബഷീര്‍ കഥകള്‍ പരിചയപ്പെടുത്തല്‍
• വൈക്കം മുഹമ്മദ് ബഷീര്‍ -ഡോക്യുമെന്ററി പ്രദര്‍ശനം,ബഷീര്‍ പുസ്തകങ്ങളുടെ പ്രദര്‍ശനം
• ഫിലിം ക്ലബ്ബ് രൂപീകരണം
• ഇംഗ്ലീഷ് ക്ലബ്ബ് രൂപീകരണം

ജൂലൈ 7 ചൊവ്വ
ബേസിക്ക് ഗ്രൂപ്പ്-ക്ലാസുതലം

• മഴക്കാല രോഗങ്ങള്‍ -സെമിനാര്‍ അവതരണം,വിലയിരുത്തല്‍
• ക്ലാസ് പത്രനിര്‍മ്മാണം (ഈ ആഴ്ച )നാലു ഗ്രൂപ്പ് നാലു പത്രങ്ങള്‍
• സ്ക്കൂള്‍ പാര്‍ലമെന്റ് ഇലക്ഷന്‍-നോട്ടിഫിക്കേഷന്‍
• നാമനിര്‍ദ്ദേശ പത്രിക സമര്‍പ്പിക്കല്‍
• സയന്‍സ് ക്ലബ്ബ്,സാമൂഹ്യശാസ്ത്രക്ലബ്ബ് രൂപീകരണം

ജൂലൈ 8 ബുധന്‍

• യൂണിറ്റ് വിലയിരുത്തല്‍ ആരംഭം

ജൂലൈ 10 വെള്ളി
ജൂലൈ 11 ലോകജനസംഖ്യാദിനം

• അസംബ്ലി-ലഘുപ്രഭാഷണം
• സ്ലൈഡ് ഷോ
• SRG യോഗം
• യൂണിറ്റ് വിലയിരുത്തല്‍-അവലോകനം

ജൂലൈ 13 തിങ്കള്‍
ജൂലൈ 12-മലാല ദിനം

• മലാല യൂസഫ് സായ് ഡോക്യുമെന്ററി പ്രദര്‍ശനം(ഫിലിം ക്ലബ്ബ്)

ബേസിക്ക് ഗ്രൂപ്പ്-ക്ലാസുതലം

• ക്ലാസ് പത്രം-പ്രകാശനവും വിലയിരുത്തലും
• ഈ ആഴ്ച -ചാന്ദ്രദിനം-ഗ്രൂപ്പ് ക്വിസിന് തയ്യാറെടുപ്പ് 

ജൂലൈ 14 ചൊവ്വ
സ്ക്കൂള്‍ പാര്‍ലമെന്റ് ഇലക്ഷന്‍

• നാമനിര്‍ദ്ദേശ പത്രിക-സൂക്ഷ്മപരിശോധന
• സ്ഥാനാര്‍ത്ഥികളുടെ അന്തിമപട്ടിക പ്രസിദ്ധീകരിക്കല്‍
• ചിഹ്നം അനുവദിക്കല്‍
• തെരഞ്ഞെടുപ്പ് പ്രചാരണം ആരംഭം

ജൂലൈ 15 ബുധന്‍
PTA,SMC ജനറല്‍ ബോഡി യോഗം

• പുതിയ ഭാരവാഹികളെ തെരഞ്ഞെടുക്കല്‍

ജൂലൈ 17 വെള്ളി
ഫിലിം ക്ലബ്ബ്

• സേതുലക്ഷ്മി(അഞ്ചുസുന്ദരികള്‍)-സിനിമാ പ്രദര്‍ശനം,സംവാദം
•  
• 
• SRG യോഗം
• ചാന്ദ്രദിനം-പ്ലാനിങ്ങ്
• സ്ക്കൂള്‍ പാര്‍ലമെന്റ് ഇലക്ഷന്‍-പ്ലാനിങ്ങ്

ജൂലൈ 20 തിങ്കള്‍
ബേസിക്ക് ഗ്രൂപ്പ്-ക്ലാസുതലം

• ചാന്ദ്രദിനം-ഗ്രൂപ്പ് ക്വിസ്-വിജയികളെ കണ്ടെത്തല്‍
• ഈ ആഴ്ച-തെരഞ്ഞെടുപ്പ് പ്രചാരണം തന്ത്രങ്ങള്‍,നടപ്പാക്കല്‍

ജൂലൈ 21 ചൊവ്വ
ചാന്ദ്രദിനം

• അസംബ്ലി-ചാന്ദ്രദിനത്തിന്റെ പ്രാധാന്യം-പ്രസംഗം
• ബഹിരാകാശ ചരിത്രത്തിലെ നാഴികക്കല്ലുകള്‍-ടോക്ക് ഷോ(സയന്‍സ് ക്ലബ്ബ്)
• സിനിമാ പ്രദര്‍ശനം

ജൂലൈ 22 ബുധന്‍
ചാന്ദ്രദിനം-തുടര്‍ച്ച

• ചാന്ദ്രദിനം-ക്വിസ്-സ്ക്കൂള്‍ തലം
• ഇന്ത്യയുടെ ബഹിരാകാശമുന്നേറ്റങ്ങള്‍-പ്രസംഗമത്സരം UP

ജൂലൈ 23 വ്യാഴം
സ്ക്കൂള്‍ പാര്‍ലമെന്റ് ഇലക്ഷന്‍

• തെരഞ്ഞെടുപ്പ് ഉദ്യോഗസ്ഥര്‍ക്കുള്ള ക്ലാസ്

ജൂലൈ 24 വെള്ളി
സ്ക്കൂള്‍ പാര്‍ലമെന്റ് ഇലക്ഷന്‍

• മീറ്റ് ദ കേന്‍ഡിഡേറ്റ്
• SRG യോഗം
• കഴിഞ്ഞ ആഴ്ചയിലെ പ്രവര്‍ത്തനങ്ങളുടെ അവലോകനം
• പാഠാസൂത്രണം
  
  
  
• ക്ലസ് പിടിഎ- അജണ്ട രൂപീകരണം

ജൂലൈ 27 തിങ്കള്‍
ബേസിക്ക് ഗ്രൂപ്പ്-ക്ലാസുതലം

• ജലവുമായി ബന്ധപ്പെട്ട simple experiments(ഈ ആഴ്ച)
• കണ്ടെത്തലും ആസൂത്രണവും

ബാലസഭ

ജൂലൈ 30 വ്യാഴം
സ്ക്കൂള്‍ പാര്‍ലമെന്റ് ഇലക്ഷന്‍

• രാവിലെ പോളിങ്ങ് സാമഗ്രികളുടെ വിതരണം
• പോളിങ്ങ്
• ഉച്ച-വോട്ടെണ്ണല്‍
• ഫലപ്രഖ്യാപനം
• തെരഞ്ഞെടുക്കപ്പെട്ടവരുടെ സത്യപ്രതിജ്ഞ

 ജൂലൈ 31 വെള്ളി
ക്ലാസ് പിടിഎ

• ജൂലൈ  മാസത്തെ പഠനപ്രവര്‍ത്തനങ്ങള്‍-അവലോകനം
• കുട്ടികളുടെ പഠനനേട്ടങ്ങള്‍-യൂണിറ്റ് വിലയിരുത്തല്‍
• പോര്‍ട്ട് ഫോളിയോ sharing
• കുട്ടിയെക്കുറിച്ച്  അമ്മയും അമ്മയെക്കുറിച്ച് കുട്ടിയും
• ആഗസ്ത് മാസം-പഠനനേട്ടങ്ങള്‍,കുട്ടികള്‍ക്ക് ലഭ്യമാകേണ്ട പിന്തുണ

A Rainy Day

Creative drawing in English class-1

 

It was raining outside. All the children in the class room were watching the rain through the window. The day before had been a hot day. So they were happy to see the rain.
“Hai, rain!” Sreehari exclaimed.
“Do you like  rain?” I asked him.
“Yes, sir.” He said happily.
“Why do you like rain?”
“Playing.”  He said.
I know, he wanted to say more. But he could not express it all in English.
I told the whole class.
“Children,look. Sreehari likes  to play in the rain.”

Then,I repeated the question to the whole class.
“Do you like rain?”
“I like walking the rain.” Varsha said.
“Oh,Varsha likes walking in the rain.”I said loudly correcting the sentence.
“I like sleeping.” Malavika said.
“Malavika likes sleeping in the night, hearing the sound of the rain.”
“I like to walk in the rain taking an umbrella.” Gopika said.
“Gopika  likes to walk in the rain holding  an umbrella.”
“I like to sit in the sit-out and look at the rain.”  Dhanith said.
“I want jumping.”
“I like running.”
“I like playing cricket.”

“OK. That's enough.” I said. Then, I wrote on the black board- 'A Rainy Day.'
“Children,this is the caption.” I told them  pointing to the  black board. “Can you draw a picture?”
OK. We are ready,sir.” All of them said.
“Don't use pencil and rubber. You draw with sketch pen and colour it using crayons.”

I gave them paper,sketch pen and crayons and asked them to fold the paper  to leave a little space for writing .

The children started drawing. I played some soft music in my mobile phone. They were very happy to hear the music. Some of them sat on the floor. They were interacting with each other and exchanging ideas. Drawing allows more chances to interact and co-operate with each other. They exchanged different coloured sketch pens and crayons. I asked them to speak in English as much as possible. They tried. But I know,it would take time.

I was walking around the class and watching how they draw. It made me so happy. The children were drawing well.
“Safeeda,it's good. What's this girl doing?” I asked.
“She is dancing, sir.”
“This girl is dancing in the rain... very good.”

“What is this?” Pointing to Faya's picture I asked.
“It's a river. Full water. So many fishes. A boy  catch fish.” Fayas described his picture.
“Good. A nice drawing! It's a river. Full of water. A boy is  catching  fish.”

In this manner, I asked each and every child about their picture and made comments. This was to give the necessary language input for writing a description later on.

  

They took 30 minutes to finish their drawing.
The next task was to talk about their picture. They stood up and showed the pictures to  everybody in the class and started to talk about what they had drawn.
This time most of the children could talk in full sentences.
My interaction and comments during the drawing turned out to be a good support for them.

Vishnu talked about his picture like this:

“There is raining. There was so many clouds. Some birds are flying in the rain. There is a stream. The stream is flowing. There is so many trees and houses. A green bird is sitting in a stone. Some man collecting rain water. A girl will running in the rain. A boy holding the umbrella. A bird is going near the nest. There is so many grass. There was lightning. The trees are dancing in the wind. The trees are happy. The village is happy.”

There may be mistakes. But they could express their ideas in English. That was a step forward which filled their minds with confidence.

The next task was writing a description. All of them started writing with much enthusiasm.  Writing  the  description was much easier compared to talking about the picture. They finished their writing within  ten minutes.

Swetha's description was like this:

'The small rain drops falling down. So many hills and clouds in the picture. The sky is black. Two trees,two flowers,some rock,some grass in the picture. The small tree dancing in the wind. The flower enjoying the rain. The children playing in the rain. The small stream flowing speedily. There is a small hut. Many fishes swimming in the water. A nest and two baby birds in the big tree. A mother hen and the baby hens walking in the rain. A boy holding the umbrella and the girl playing in the rain. This is a raining day's picture and this is a beautiful picture.'

Most of the children wrote very well. There may be grammatical  or spelling mistakes. But they were on the right track. This activity made them more confident in expressing themselves in English. Here, the picture they had drawn worked as a strong stimulant in creating  language.

The children exchanged their pictures and descriptions in pairs and  groups. After reading the description they gave feedbacks to each other. They made  some corrections in their writings on the basis of these feedbacks. Finally,a few children read aloud their descriptions in the class. I exhibited all the pictures and descriptions on the display board.

M.M.Surendran

സര്‍ഗ്ഗാത്മക ക്ലാസുമുറിയിലേക്കുള്ള 10 പടവുകള്‍

1.ക്ലാസുമുറി കുട്ടികളുടെ ആത്മാവിഷ്ക്കാരത്തിനുള്ള(self expression) സാധ്യതകള്‍ തുറന്നിടണം

എല്ലാ കുട്ടികള്‍ക്കും സ്വയം ആവിഷ്ക്കരിക്കാനുള്ള ആഗ്രഹമുണ്ടാകും.അത് ശിശുസഹജമാണ്.വ്യക്തിഗതമായോ സംഘമായോ ആകാം ഈ ആവിഷ്ക്കാരങ്ങള്‍.പക്ഷേ,അതു പഠനത്തില്‍ പ്രധാനമാണ്.അതിനുള്ള അവസരങ്ങള്‍ നല്‍കാത്തതുകൊണ്ടാണ് കുട്ടികളുടെ മനസ്സ് പലപ്പോഴും അസ്വസ്ഥമാകുന്നത്.ക്ലാസിലെ അച്ചടക്കവുമായി ബന്ധപ്പെട്ട പ്രശ്നങ്ങളുടെ അടിസ്ഥാന കാരണം ഇതാണ്. ആവിഷ്കാരം ചിത്രത്തിലൂടെയോ നാടകത്തിലൂടെയോ പാട്ടിലൂടെയോ കളിയിലൂടെയോ നിര്‍മ്മാണ പ്രവര്‍ത്തനത്തിലൂടെയോ ആകാം. വ്യത്യസ്തമായ രീതിയില്‍ ഒരു പരീക്ഷണം ആസൂത്രണം ചെയ്യുന്നതും പ്രശ്നപരിഹരണത്തിലേക്കുള്ള വഴികള്‍ കണ്ടെത്തുന്നതും മൗലികമായ എഴുത്തും സര്‍ഗാത്മകമായ ആവിഷ്കാരങ്ങളാണ്. പഠനപ്രവര്‍ത്തനങ്ങളുടെ കേന്ദ്രസ്ഥാനത്ത് കുട്ടികളെ പ്രതിഷ്ഠിക്കുമ്പോഴാണ്  ഇതു സാധ്യമാകുന്നത്.കുട്ടികളുടെ ആവിഷ്ക്കാരങ്ങള്‍ പഠന ലക്ഷ്യങ്ങളുമായി ഉദ്ഗ്രഥിച്ചു കൊണ്ടായിരിക്കണം ചെയ്യേണ്ടത്.‌

2.കുട്ടികളുടെ സ്വതന്ത്രചിന്തയെ പരിപോഷിപ്പിക്കുന്നതായിരിക്കണം  ക്ലാസിലെ പഠനപ്രക്രിയ

ചില  നേരങ്ങളില്‍ ക്ലാസുമുറിയിലെ കുട്ടികളുടെ പ്രതികരണങ്ങള്‍ നമ്മെ അത്ഭുതപ്പെടുത്താറുണ്ട്.മൗലികവും വ്യത്യസ്തവുമായ ചിന്തകള്‍ അവരുടെ മനസ്സില്‍ മുളപൊട്ടുന്നതു കാണാം.വ്യതിരിക്ത ചിന്തകളെ ഉണര്‍ത്താന്‍ പാകത്തില്‍ കുട്ടികള്‍ക്കുമുന്നില്‍ പഠനപ്രശ്നങ്ങള്‍ അവതരിപ്പിക്കുമ്പോഴാണ് അവര്‍ പഠനത്തില്‍ സജീവമാകുന്നത്.പ്രശ്നപരിഹരണത്തിനുള്ള വൈവിധ്യമാര്‍ന്ന വഴികള്‍ കണ്ടെത്താനും അവതരിപ്പിക്കാനും സര്‍ഗാത്മക ക്ലാസുമുറി  കുട്ടികള്‍ക്ക് അവസരം നല്‍കുന്നു. ക്ലാസില്‍ കുട്ടികള്‍ ഒരുതരത്തിലുള്ള തടസ്സങ്ങളും(inhibitions) അനുഭവിക്കുന്നില്ലെന്ന് ടീച്ചര്‍ ഉറപ്പുവരുത്തേണ്ടതുണ്ട്. നിര്‍ഭയമായ അന്തരീക്ഷത്തില്‍ മാത്രമേ കുട്ടികള്‍ക്ക് സ്വതന്ത്രമായി ചിന്തിക്കാനും പ്രതികരിക്കാനും കഴിയൂ.താന്‍ ആഗ്രഹിക്കുന്ന രീതിയില്‍ തന്നെ കുട്ടികള്‍ ചിന്തിക്കണമെന്ന് ടീച്ചര്‍ വാശിപിടിക്കുന്നിടത്താണ്
സര്‍ഗാത്മകത കശാപ്പുചെയ്യപ്പെടുക.

3.ഗ്രേഡുകള്‍ നല്‍കാം;ഒപ്പം ഫീഡ്ബാക്കുകള്‍ കൂടി നല്‍കണം

കേവലമായ ഗ്രേഡുകള്‍ കൊണ്ട് കാര്യമില്ല.ഫീഡ്ബാക്കുകള്‍ നല്‍കുമ്പോഴാണ് തന്റെ പോരായ്മകളും മെച്ചങ്ങളും തിരിച്ചറിഞ്ഞ് കുട്ടിക്ക് സ്വയം മുന്നേറാന്‍ കഴിയുക.ഫീഡ്ബാക്കുകള്‍  കുട്ടികളുടെ ചിന്തകളെ കൂടുതല്‍ തെളിച്ചമുള്ളതാക്കും.ടീച്ചര്‍ നല്‍കുന്ന ഫീഡ്ബാക്കുകള്‍ ആകാം.കുട്ടികള്‍ പരസ്പരം നല്‍കുന്നതുമാകാം.കടുത്ത മത്സരത്തിന്റെ അന്തരീക്ഷം കുട്ടികളില്‍ മാനസിക സമ്മര്‍ദം ഉണ്ടാക്കും.അത് കുട്ടികളുടെ സര്‍ഗാത്മകമായ കഴിവുകളെ മുളയിലേ നുള്ളിക്കളയും.

4.ഉത്പന്ന (product)ത്തോടൊപ്പം പഠനപ്രക്രിയയ്ക്കും(learning process) പ്രാധാന്യം നല്‍കണം

പഠനപ്രക്രിയയ്ക്ക് പ്രാധാന്യം നല്കുമ്പോഴാണ് കുട്ടികളുടെ സര്‍ഗാത്മകമായ കഴിവുകള്‍ വികസിക്കുന്നത്.അവരുടെ ആത്മാവിഷ്ക്കാരത്തിനുള്ള സാധ്യതകള്‍  തുറന്നിടുന്നതായിരിക്കണം പഠനപ്രക്രിയ.കുട്ടികളുടെ വ്യതിരിക്തമായ ചിന്തകളും തീരുമാനങ്ങളും കാഴ്ചപ്പാടുകളും രൂപപ്പെടുന്നത് പഠനപ്രക്രിയയ്ക്കിടയിലാണ്.നിരന്തരവിലയിരുത്തലിലൂടെ ഇത് വേണ്ട രീതിയില്‍ വിലയിരുത്തിക്കൊണ്ടും  കുട്ടികള്‍ക്കാവശ്യമായ കൈത്താങ്ങ്  നല്‍കിക്കൊണ്ടുമായിരിക്കും സര്‍ഗാത്മക ക്ലാസുമുറി അതിന്റെ പ്രവര്‍ത്തനങ്ങളെ മുന്നോട്ടുകൊണ്ടുപോകുക.

5.പഠനതന്ത്രങ്ങള്‍ക്ക് കുട്ടികളെ പ്രചോദിപ്പിക്കാന്‍(stimulate) കഴിയണം

വൈവിധ്യമാര്‍ന്ന പഠനതന്ത്രങ്ങള്‍ ക്ലാസുമുറിയില്‍ ഉപയോഗിക്കുമ്പോഴാണ് കുട്ടികള്‍ stimulate ചെയ്യപ്പെടുക. ചിത്രങ്ങള്‍,വീഡിയോ ക്ലിപ്പിങ്ങുകള്‍,ശബ്ദങ്ങള്‍,സംഗീതം,വിവിധതരം പ്രോപ്പുകള്‍,ശാരീരിക ചലനങ്ങള്‍
എന്നിവയൊക്കെ ഉപയോഗിക്കാം.പഠിപ്പിക്കുന്ന വിഷയം ഏതുമായിക്കൊള്ളട്ടെ.ഇവയുടെ ഉപയോഗം കുട്ടികളുടെ ചിന്തയെ ഉണര്‍ത്തും.പഠനപ്രശ്നം അവര്‍ ഉത്സാഹത്തോടെ ഏറ്റെടുക്കും.പ്രശ്നപരിഹരണത്തിനുള്ള മൗലികമായ ചിന്ത അവരില്‍ മുളപൊട്ടും.

6.ടീച്ചര്‍ കുട്ടികള്‍ക്കുമുന്നില്‍ demonstrate ചെയ്യരുത്

കുട്ടി ഒരു മരം വരയ്ക്കുന്നതിനിടയില്‍ 'മരം ഇങ്ങനെയാണോ വരക്കുന്നത്?ഇങ്ങനെയല്ലേ?' എന്നു ചോദിച്ചുകൊണ്ട്  മരം ബോര്‍ഡില്‍ വരച്ചുകാണിക്കുന്നവരുണ്ട്.'പൂമ്പാറ്റ ഇങ്ങനെയാണോ പറക്കുക?' എന്നുചോദിച്ചുകൊണ്ട് പൂമ്പാറ്റയുടെ ചലനങ്ങള്‍ കാണിച്ചുകൊടുക്കുന്നവരുണ്ട്.ഇങ്ങനെയുള്ള പ്രവൃത്തി കുട്ടികളുടെ സര്‍ഗാത്മക ചിന്തയെ ഇല്ലാതാക്കും.എന്തും കുട്ടികള്‍ക്ക് മുന്നില്‍ അവതരിപ്പിച്ച് കാണിച്ചുകൊടുക്കാനുള്ള ത്വര അധ്യാപകര്‍ക്ക് പൊതുവെ ഉള്ളതാണ്.ഒരു പക്ഷേ,നമ്മളൊക്കെ അറിയാതെ ചെയ്തുപോകുന്നതാണത്.അത് നിയന്ത്രിക്കേണ്ടത് അത്യാവശ്യമാണ്.


7.കുട്ടികള്‍ വരുത്തുന്ന തെറ്റുകളെ അനുഭാവപൂര്‍വ്വം പരിഗണിക്കണം

കുട്ടികള്‍ വരുത്തുന്ന തെറ്റുകള്‍ പഠനം നടക്കുന്നു എന്നതിന്റെ തെളിവുകളാണ്.തെറ്റുകളെ ചുവന്ന മഷികൊണ്ട് അടയാളപ്പെടുത്തുന്ന അധ്യാപകന്‍  അതിനെ നിഷേധാത്മകമായി സമീപിക്കുകയാണ് ചെയ്യുന്നത്.അത് കുട്ടികളുടെ ആത്മവിശ്വാസത്തെ ഇല്ലാതാക്കും.ഗുണാത്മകമായ ഫീഡ്ബാക്ക് നല്‍കുന്നതിലൂടെ തെറ്റ് സ്വയം കണ്ടെത്താനും തിരുത്തി മുന്നേറാനും കുട്ടികളെ പ്രാപ്തരാക്കുകയാണ് വേണ്ടത്.

8.ക്ലാസില്‍ ടീച്ചര്‍ സംസാരം കുറയ്ക്കണം;പകരം കുട്ടികളുടെ സംസാരത്തിന് കാതോര്‍ക്കണം

ടീച്ചറുടെ സംസാരം മാത്രം ഉയര്‍ന്നു കേള്‍ക്കുന്ന ക്ലാസുമുറി സര്‍ഗാത്മകതയുടെ ശവപ്പറമ്പായിരിക്കും.അവിടെ കുട്ടികള്‍ സംസാരിക്കുന്നത് ടീച്ചറുടെ ചോദ്യങ്ങള്‍ക്ക് ഉത്തരം പറയാന്‍ മാത്രമായിരിക്കും.ടീച്ചറുടെ വലിയ ശബ്ദം കുഞ്ഞുങ്ങളുടെ നേര്‍ത്ത ശബ്ദത്തെ പതിയെ ഇല്ലാതാക്കും.കുട്ടികളുടെ വായ മൂടിക്കെട്ടിയ ഒരു ക്ലാസുമുറിയില്‍ എങ്ങനെയാണ് പഠനം നടക്കുക?അവിടെ സര്‍ഗാത്മകതയുടെ വിത്തുകള്‍ എങ്ങനെയാണ് മുളപൊട്ടുക?കുട്ടികള്‍ക്ക് പരസ്പരം സംസാരിക്കാന്‍ കഴിയണം.അതിന് ടീച്ചര്‍ കാതോര്‍ക്കണം. ടീച്ചര്‍ കുട്ടികളുമായും നിരന്തരം സംസാരിച്ചുകൊണ്ടിരിക്കണം.

 9.ക്ലാസുമുറിയുടെ പരമ്പരാഗത ഘടനയെ മാറ്റിത്തീര്‍ക്കണം

പരമ്പരാഗത ഘടനയിലുള്ള ഒരു ക്ലാസുമുറി സര്‍ഗാത്മക പ്രവര്‍ത്തനത്തിനു വിലങ്ങുതടിയാകും.അവിടെ കുട്ടികള്‍ക്ക് മുന്‍കൂട്ടി നിശ്ചയിക്കപ്പെട്ട ഇരിപ്പിടത്തില്‍ അധ്യയന സമയം മുഴുക്കെ കുട്ടി ഇരുന്നിരിക്കാന്‍ ബാധ്യസ്ഥനാണ്.സ്വന്തം ഇരിപ്പിടത്തില്‍ നിന്നും എഴുന്നേല്‍ക്കുന്നത് ഗുരുതരമായ അച്ചടക്ക ലംഘനമായി കരുതപ്പെടും.എന്നാല്‍ സര്‍ഗാത്മക ക്ലാസുമുറിയില്‍ കുട്ടികള്‍ക്ക് ചലന സ്വാതന്ത്ര്യം ഉണ്ടായിരിക്കും.ക്ലാസുമുറിയില്‍ നടക്കുന്ന പ്രവര്‍ത്തനങ്ങള്‍ ആവശ്യപ്പെടുന്ന രീതിയില്‍ ഇരിപ്പിടങ്ങള്‍ ക്രമീകരിക്കാന്‍ അതിനു കഴിയും.ചിലനേരങ്ങളില്‍ അത് ഇരിപ്പിടങ്ങളെ പഠനോപകരണങ്ങളാക്കി മാറ്റും.ക്ലാസുമുറിയില്‍ പ്രോപ്പുകളുടെ വലിയ ശേഖരം സൂക്ഷിച്ചിരിക്കും.കുട്ടികളുടെ സൃഷ്ടികള്‍ പ്രദര്‍ശിപ്പിക്കാനുള്ള സൗകര്യം അവിടെ ഒരുക്കണം.നിശ്ചലമായി നില്‍ക്കുന്ന ഒന്നാകരുത് ക്ലാസുമുറിയുടെ ഘടന.അത് നിരന്തരം മാറിക്കൊണ്ടിരിക്കണം.ഒപ്പം കുട്ടികളുടെ ഇരിപ്പിടങ്ങളും.എപ്പോഴും പുതുമ നിലനിര്‍ത്തിക്കൊണ്ടിരിക്കാന്‍ ക്ലാസുമുറിക്ക്  കഴിയണം.

 10.ക്ലാസുമുറിയെ പുറംലോകവുമായി ബന്ധിപ്പിക്കണം

ക്ലാസുമുറിയില്‍ നിന്നും കുട്ടികള്‍ക്ക്  പുറത്തുപോകാനുള്ള സന്ദര്‍ഭങ്ങള്‍ ഒരുക്കണം.വിദ്യാലയ പരിസരത്തെ അവര്‍ കണ്ടറിയണം.അവിടത്തെ കൃഷിയിടങ്ങള്‍,തൊഴിലിടങ്ങള്‍,മനുഷ്യരുടെ ജീവിതം,പുഴകള്‍,കുന്നുകള്‍,ജലാശയങ്ങള്‍ എന്നിവയൊക്കെ കണ്ടും അറിഞ്ഞും മനസ്സിലാക്കണം.നാടിന്റെ ചരിത്രം അറിയണം.കൃഷിക്കാരേയും തൊഴിലാളികളേയും സാമൂഹ്യപ്രവര്‍ത്തകരേയും ക്ലാസുമുറികളിലേക്കു ക്ഷണിക്കണം.അവരുമായി സംവദിക്കണം.ക്ലാസുമുറിയുടെ വാതായനങ്ങള്‍ കൂടുതല്‍ വിശാലമായ ലോകത്തേക്ക് തുറക്കുമ്പോഴാണ്  അവരുടെ ചിന്തകള്‍ക്ക് ചിറക് മുളയ്ക്കുക.കുട്ടികള്‍  ഭാവി ലോകത്തെക്കുറിച്ച് സ്വപ്നം കാണാന്‍ തുടങ്ങുക.

ഓരോ ദിനവും ഉത്സവമാകുമ്പോള്‍...

…....അവിടെ തുടര്‍ന്നുപഠിച്ച മൂന്നുവര്‍ഷവും ഏതാണ്ട് ഇതുതന്നെയായിരുന്നു സ്ഥിതി.ഓര്‍ത്തെടുക്കാന്‍ ഹൃദ്യമായ ഓരോര്‍മ്മപോലും ബാക്കിയില്ല.പുറത്തെ മൈതാനത്തുമേയുന്ന പുള്ളിപ്പശുക്കള്‍,ചുറ്റിനും കൊത്തിപ്പെറുക്കി നടക്കുന്നമഞ്ഞക്കഴുത്തന്‍ മാടത്തകള്‍,കുറ്റിക്കാട്ടില്‍ പരതുന്ന പന്നിയും കുഞ്ഞുങ്ങളും,വെയില്‍ കാത്തുകിടക്കുന്ന പള്ളിമേടയിലെ പൂച്ചക്കുറിഞ്ഞ്യാല്‍,ഇവരെയൊക്കെ നോക്കിയിരുന്നാണ് ഞാന്‍ വല്ലപാടും സമയം തള്ളിനീക്കിയിരുന്നത്.

അതുവരെ ചങ്ങാതിമാരും കൂടപ്പിറപ്പുകളുമൊത്ത് പറമ്പിലും തോട്ടിലും പാറച്ചെരുവുകളിലും യഥേഷ്ടം വിഹരിക്കുമ്പോള്‍ ജീവിതം ഒറ്റ ദിവസംകൊണ്ടിങ്ങനെ തലകീഴ്മേല്‍ മറിയുമെന്ന് ആരോര്‍ത്തു.തുടക്കംപോല്‍ വിരസമായിരുന്നു ഒടുക്കവും.ശരിക്കും മൂന്നുവര്‍ഷം നീണ്ട ഒരു കാരാഗൃഹവാസം.....

റോസ് മേരി
(തന്റെ ആദ്യ സ്ക്കൂള്‍ അനുഭവത്തെക്കുറിച്ച്)
ദേശാഭിമാനി വാരാന്തപ്പതിപ്പ്,മെയ് 31,2015




പ്രവേശനോത്സവം  വിദ്യാലയങ്ങള്‍ ഗംഭീരമായി ആഘോഷിച്ചു.ചെണ്ടമേളത്തിന്റെ അകമ്പടിയോടെ,വര്‍ണ്ണപ്പകിട്ടാര്‍ന്ന ദൃശ്യവിസ്മയങ്ങളൊരുക്കി നാം പുതുക്കക്കാരെ വദ്യാലയത്തിലേക്ക് ആനയിച്ചു.പാട്ടുപാടിയും കഥകള്‍ പറഞ്ഞും  കുട്ടികളെ  രസിപ്പിച്ചു.ബലൂണുകളും മിഠായിയും ബാഗും കുടയും പുസ്തകങ്ങളും നല്‍കി നാം അവരെ സന്തോഷിപ്പിക്കാന്‍ പരസ്പരം മത്സരിച്ചു.

ഇനി രണ്ടാം ദിവസമോ?
ക്ലാസിലെത്തിയപ്പോള്‍ കുട്ടികളുടെ ഉത്സാഹം വര്‍ദ്ധിച്ചോ?രാവിലെ മുതല്‍ വൈകുന്നേരംവരെ ക്ലാസില്‍ കൂനിയിരുന്ന് അവര്‍ മടുത്തുപോയോ?അവരുടെ മുഖത്തെ പ്രകാശവും പുഞ്ചിരിയും പതുക്കെ മാഞ്ഞുപോകാന്‍ തുടങ്ങിയോ?
അങ്ങനെയെങ്കില്‍പ്പിന്നെ പ്രവേശനോത്സവംകൊണ്ട് എന്തുഗുണം?

ആദ്യ ദിവസത്തെപ്പോലെ കുട്ടികള്‍ ഓരോ ദിവസവും സന്തോഷിക്കണം. ഓരോ ദിവസവും ക്ലാസുമുറി അവര്‍ക്ക് പുതിയ അനുഭവങ്ങള്‍ സമ്മാനിക്കണം.അവര്‍ക്ക് കളിക്കാന്‍ കഴിയണം.പാട്ടുപാടാന്‍ കഴിയണം.ചിത്രംവരയ്ക്കാനും നിറം നല്‍കാനും കഴിയണം.അവരുടെ കുഞ്ഞുവിരലുകള്‍കൊണ്ട് അവര്‍ എന്തെങ്കിലുമൊക്കെ പെറുക്കിക്കൂട്ടി മനസ്സില്‍ തോന്നുന്നത് സൃഷ്ടിച്ചെടുക്കണം. ചിത്രങ്ങള്‍ നോക്കി അവര്‍ക്ക് കഥകള്‍ മെനയാന്‍ കഴിയണം.അറിയാവുന്ന അക്ഷരങ്ങള്‍ കൊണ്ട് അവര്‍ക്ക് തോന്നുന്നതെല്ലാം എഴുതാന്‍ കഴിയണം.കുട്ടികള്‍ പറയുന്നത് കേള്‍ക്കാന്‍ ടീച്ചര്‍ ചെവിയോര്‍ക്കണം.അവരോട് ധാരാളം സംസാരിക്കണം.നല്ലപോലെ ചിരിക്കണം.എങ്കിലേ കുട്ടികള്‍ക്ക്  ആ ക്ലാസ് പ്രയപ്പെട്ടതാകൂ. ടീച്ചര്‍ അവരുടെ സ്വന്തം ടീച്ചറാകൂ.അപ്പോഴാണ് പ്രവേശനോത്സവം അതിന്റെ യഥാര്‍ത്ഥ ലക്ഷ്യം കൈവരിക്കുന്നത്.

ഒന്നാം ക്ലാസിന്റെ ചുമരില്‍ കാട്ടുമൃഗങ്ങളുടേയും പൂമ്പാറ്റകളുടേയും ചിത്രങ്ങള്‍ വരച്ചുവച്ചിട്ടുണ്ടാകും.ഭംഗിയുള്ള നിറങ്ങള്‍ കൊടുത്തിട്ടുണ്ടാകും.നല്ലതു തന്നെ.പക്ഷേ,അതുകൊണ്ട് മാത്രമായില്ല.ക്ലാസുമുറിയിലെ പഠനപ്രക്രിയയാണ് പ്രധാനം.കുട്ടികളുടെ പ്രകൃതം തിരിച്ചറിഞ്ഞുകൊണ്ടുള്ള,ഓരോരുത്തരുടേയും പ്രത്യേകതകള്‍ മനസ്സിലാക്കിക്കൊണ്ടുള്ള, ശ്രദ്ധാപൂര്‍വ്വം തയ്യാറാക്കുന്ന പഠനപ്രക്രിയ.അവിടെ കുട്ടികള്‍ക്ക് പലതും ചെയ്യാനുണ്ടാകും.അവര്‍ സ്വയം ആവിഷ്ക്കരിക്കുമ്പോള്‍ ഏറെ സന്തുഷ്ടരാകും.രാവിലെ മുതല്‍ വൈകുന്നേരം വരെ കുട്ടികളെ ചങ്ങലക്കിടുന്ന ക്ലാസുമുറിയില്‍ എത്ര ഭംഗിയുള്ള ചിത്രം വരച്ചുവെച്ചതുകൊണ്ടും കാര്യമില്ല.കുട്ടികളെ സംബന്ധിച്ച് അത് ഒരു തടവറയായിരിക്കും.ആകാശത്തിലൂടെ പറക്കുന്ന പക്ഷികളിലേക്കും കാറ്റിലാടുന്ന മരത്തലപ്പുകളിലേക്കും അവരുടെ കണ്ണുകള്‍ അറിയാതെ നീളും.ക്ലാസും സ്ക്കൂളും അവര്‍ക്ക് പെട്ടെന്ന് മടുക്കും.അവരുടെ മുഖത്തെ പുഞ്ചിരി മാഞ്ഞുപോകും.

ഇനി ഈ ക്ലാസുമുറി നോക്കുക.ഇവിടെ ഓരോ ദിനവും ഉത്സവമാണ്. കുട്ടികളുടെ സന്തോഷം ഇരട്ടിച്ചിരിക്കുന്നു.വേഗം മണിയടിക്കല്ലേ എന്നാണ് കുട്ടികളുടെ പ്രര്‍ത്ഥന.കാരണം അവര്‍ക്ക് ക്ലാസില്‍ കളിക്കാം.ഇഷ്ടമുള്ളിടത്ത് ഇരിക്കാം.പാട്ടുപാടാം.കഥ പറയാം.ഉച്ചത്തില്‍ സംസാരിക്കാം.നിലത്ത് ചോക്കുകൊണ്ട് വലിയ ചിത്രങ്ങള്‍ വരയ്ക്കാം.കടലാസുകീറുകയും ചുരുട്ടുകയും പശതേച്ച് ഒട്ടിക്കുകയുമൊക്കെ ചെയ്യാം.കടലാസില്‍ ചിത്രം വരയ്ക്കാം.  നിറം നല്‍കാം.വരച്ച ചിത്രത്തെക്കുറിച്ച് അവര്‍ക്ക് സംസാരിക്കാം.അവരുടെ പറച്ചിലുകള്‍ ടീച്ചര്‍ ശ്രദ്ധയോടെ കേള്‍ക്കും.

ദിവസവും ടീച്ചര്‍ അവര്‍ക്ക് കഥ പറഞ്ഞുകൊടുക്കൂം.അവര്‍ക്ക് കഥയിലെ കഥാപ്പാത്രങ്ങളായി കളിക്കാം.പൂച്ചയും എലികളുമാകാം.പൂച്ചയുടെ കണ്ണ് വെട്ടിച്ച് ഓടിയൊളിക്കുന്ന എലികളാകുമ്പോള്‍ അവര്‍ ആര്‍ത്തുചിരിക്കും.പാമ്പുകളായി ഇഴഞ്ഞ് മാളത്തില്‍ കയറുന്നത് പേടിയോടെയായിരിക്കും.മാളത്തില്‍നിന്ന് പുറത്തിറങ്ങുന്നതോ?തുള്ളിച്ചാടിക്കൊണ്ടും.

ഇടയ്ക്ക് ടീച്ചര്‍ നല്‍കിയ ന്യൂസ് പേപ്പര്‍ ഷീറ്റുകള്‍ കൊണ്ട് അവര്‍ പാമ്പുകളെ ഉണ്ടാക്കുന്നതു കണ്ടു. ഒരു പാട് കുഞ്ഞുപാമ്പുകള്‍. കുഞ്ഞുപാമ്പുകളെ കൂട്ടിച്ചര്‍ത്ത് ഒട്ടിച്ച് വലിയ പാമ്പിനെ ഉണ്ടാക്കിയപ്പോള്‍ കുട്ടികള്‍ വിസ്മയത്തോടെ അതിനെ  നോക്കിനിന്നു.അതിനുശേഷം കുഞ്ഞുവിരലുകള്‍  കൊണ്ട് ചോക്ക് അമര്‍ത്തിപ്പിടിച്ച് നീണ്ടുചുരുണ്ടുകിടക്കുന്ന പാമ്പിനെ വരയ്ക്കാന്‍ തുടങ്ങി.നിലത്ത് മുഴുവന്‍ പാമ്പുകള്‍.പിറ്റേ ദിവസവും അവര്‍ക്ക്  പാമ്പിനെ വരയ്ക്കണം. തന്റെ കുഞ്ഞിനെ അന്വേഷിച്ച് കാട്ടിലൂടെ ഇഴഞ്ഞു നീങ്ങുന്ന അമ്മപ്പാമ്പിനെ.അവര്‍ വരച്ചു. നിറങ്ങള്‍ നല്‍കി.ചിത്രങ്ങള്‍ എല്ലാവരും പരസ്പരം കണ്ടു.പിന്നീട് ഓരോരുത്തരും ചിത്രത്തെക്കുറിച്ച് സംസാരിക്കാന്‍ തുടങ്ങി.തങ്ങളുടെ ചിത്രങ്ങളില്‍ നിന്നും അവര്‍ കഥകള്‍ മെനഞ്ഞെടുത്തു.തികഞ്ഞ അച്ചടക്കത്തോടെ.തങ്ങളുടെ ഊഴത്തിനുവേണ്ടി കാത്തുനിന്നുകൊണ്ട്.

കേവലമായ എഴുത്തും വായനയും ഗണിതശേഷികളുമൊക്കെ കൈവരിക്കുക എന്നതു മാത്രമല്ല ഈ ക്ലാസുമുറിയുടെ ലക്ഷ്യം.കുട്ടികളുടെ സമഗ്രവികാസമാണ്.കുട്ടികളുടെ സര്‍ഗാത്മകമായ കഴിവുകള്‍ വികസിക്കണം. ശ്രദ്ധിക്കാനും ഏകാഗ്രതയോടെ പ്രവര്‍ത്തനങ്ങളില്‍ ഏര്‍പ്പെടാനുമുള്ള അവരുടെ കഴിവ് വികസിക്കണം.ഭാഷ നന്നായി കൈകാര്യംചെയ്യാന്‍ കഴിയണം.അവരുടെ പഞ്ചേന്ദ്രിയങ്ങളുടെ വികാസം ഉറപ്പുവരുത്തണം.കുട്ടികള്‍ ശാരീരികമായ ചലനശേഷികള്‍ കൈവരിക്കണം.വൈജ്ഞാനികവും സാമൂഹികവുമായ അവരുടെ കഴിവുകള്‍ വികസിക്കണം.ഈ വികാസമേഖലകളൊക്കെ പരിഗണിച്ചു കൊണ്ടുള്ള വൈവിധ്യമാര്‍ന്ന പ്രവര്‍ത്തനങ്ങളിലൂടെ കടന്നുപോകുമ്പോഴാണ് കുട്ടികളുടെ സമഗ്രവികാസം ഉറപ്പുവരുത്താന്‍ കഴിയുക.

രണ്ടോ മൂന്നോ ആഴ്ച ഇങ്ങനെയുള്ള പ്രവര്‍ത്തനങ്ങളായിരിക്കും ഒന്നാം ക്ലാസുമുറിയില്‍ നടക്കുക.പാഠഭാഗത്തേക്ക് കടക്കുന്നതോടെ ഈ പ്രവര്‍ത്തനങ്ങളെ പാഠഭാഗവുമായി ബന്ധിപ്പിച്ചുകൊണ്ടായിരിക്കും ചെയ്യുക.എല്ലാകുട്ടികളുടേയും സജീവ പങ്കാളിത്തം പഠനത്തില്‍ ഉറപ്പുവരുത്താന്‍ അതുവഴി കഴിയും.അപ്പോഴാണ് ഒന്നാം ക്ലാസുകാര്‍ക്ക് വിദ്യാലയവും ക്ലാസും അവരുടെ പ്രയപ്പെട്ട ഇടമായി മാറുന്നത്.വിദ്യാലയത്തിലെ ഓരോ ദിനവും ഉത്സവമായി മാറുന്നത്.കുട്ടികളുടെ ഈ അനുഭവം ഒരിക്കലും കവയത്രി റോസ് മേരിയുടേതായിരിക്കാന്‍ വഴിയില്ല.